Urmiya zindanında siyasi məhbusları döyüblər

GADTB-nin Mətbuat Mərkəzinə daxil olan məlumata görə, Urmiya zindanında siyasi məhbusları döyüblər.

Siyasi məhbusların zindan nəzarətçiləri və rejimin ETTELAAT məmurlarının döydüyü və təkadamlıq kameralara saldığı bildirilir.

İnsan haqları təşkilatlarının yaydığı məlumatlarda deyilir ki, mühafizəçilər zindan rəisinin və ETTELAAT İdarəsinin rəisinin əmri ilə siyasi məhbusların saxlanıldığı bölməyə hücum ediblər.

Rejimin məmurları 47 siyasi məhbusu başqa bölməyə köçürərkən zorakılıq göstərib, onları döyərək şəxsi əşyalarını dağıdıblar”.

Məlumatda yanvarın 10-u, səhər saatlarında ETTELAAT-ın keçirdiyi əməliyyatda azərbaycanlı məhbus Hamid Qaraoğlani da daxil olmaqla 20 siyasi məhbusun ağır yaralı vəziyyətdə təkadamlıq kameralara salındığı və onlara tibbi xidmət göstərilmədiyi bildirilir.

Azərbaycanlı məhbus Hamid Qaraoğlaninin bacısı Haniyə Qaraoğlani sosial media hesabında siyasi məhbusların döyülməsi faktını təsdiq edib.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …