Urmiyada zindanın bütün bölmələrinə koronavirus yayılıb

GADTB-nin Mətbuat Mərkəzinə daxil olan məlumata görə, Urmiyanın Mərkəzi zindanın bölmələrində, 12, 14, 15, Səlamət 1 və 2-də son 5 gündə çox sayda məhbus koronavirusa yoluxub. Lakin irqçi fars rejim bu məsələni ört-basdır edir.

Məhbusların üsyanından qorxuya düşən zindan rəsmiləri 15-ci bölmədən 6 nəfəri, 14-cü bölmədən isə 5 məhbusu müayinə ediblər. Analizlərin nəticəsi müsbət olub.

15-ci bölmədə həbsdə olan Urmiya sakini Fərdin Səyyadi adlı məhbusun 3 həftə öncə koronavirus xəstəsi olmasına baxmayaraq zindana salındığı və hətta mayın 24-də Urmiyanın Taliqani xəstəxanasına köçürüldüyü bildirilir.

Qeyd olunur ki, məhbusların əksəri koronavirusun əlamətlərini daşıyırlar. Lakin rejim onlara qarşı laqeyd yanaşır.

Bu yaxınlarda azərbaycanlı milli-mədəni fəal Qulaməli Hüseyquluzadə də rejim tərəfindən bir illik həbs müddətini çəkmək üçün Urmiya zindanına salınıb. Onun da həyatının təhlükədə olduğu bildirlir.