GADTB Güney Azərbaycan Demokratik Türk Birliyi
GADTB: Ərdəbildə yerləşən Möhəqqiq Ərdəbili Universitetində yataqxana çatışmazlığı və əcnəbi tələbələrə üstünlük verilməsi yerli tələbələrin ciddi mənzil problemi və yüksək yaşayış xərcləri ilə üzləşməsinə və tələbələrin etirazına səbəb olub.
Tələbələrin sözlərinə görə, əcnəbi tələbələrə daha uyğun yataqxanalar ayrıldığı halda, yerli tələbələrə “500” adlanan yataqxana verilib ki, burada bir otaqda 20 nəfərə qədər tələbə qalmalı olur.
“Bu şərtlər kazarmadan da ağırdır. Biz öz ölkəmizdə marginallaşmışıq. Bu cür qeyri-insani şəraitdə necə yaşaya bilərik?” – deyə etirazçılardan biri bildirib.
Tələbələrin fikrincə, bu vəziyyət insan ləyaqətini və rifah standartlarını pozmaqla yanaşı, həm də onların səhhətində, psixologiyasında, güzəranında ciddi problemlər yaradıb.
