GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Rəşt şəhərin 12-ci İnqilab Məhkəməsi günahsız yerə yaxalanan azərbaycanlı fəallara bəraət qərarı çıxarıb.
Ermənistanın Azərbaycan ərazilərinə hərbi hücumunu pislədiyi üçün rejimin yaxaladığı azərbaycanlı fəallar İbrahim Gənci, Vədud Əsədi və Məhəmməd Eyni şərlənərək “ölkə təhlükəsizliyinə qarşı çalışmaq” və “Sistemə qarşı təbliğat”da ittiham edilmişdilər.
“Yağış” öyrənci dərgisinin məsullarından olan İbrahim Gənci oktyabrın 18-də yaxalanmışdı. Vədud Əsədi və Məhəmməd Eyni isə oktyabrın 19-da Rəştdə yaxalanmışdılar.
Artıq heç bir günahı olmadan rejimin yaxaladığı azərbaycanlı fəallara bəraət verildiyi bildirilir.
Qeyd edək ki, 44 günlük II Qarabağ müharibəsi dövründə İran rejimi ermənilərə yardım edirdi. Buna etiraz edən azərbaycanlı fəalları isə həbs edirdi.
