İraq türkmənləri kürd valinin təyinatına görə etiraza qalxdılar

Kərkük Əyalət Şurasının iclasının Bağdadda keçiriləcəyi xəbərinin dərcindən sonra Kərkükün türkmən və ərəb cəbhələri bu toplantının keçirilməsinə qarşı bəyanatla çıxış ediblər, şura rəhbəri də bu xəbəri təkzib edib.

Şənbə günü Türkmən Cəbhəsinin sözçüsü bəyanat yayaraq, Türkmən Cəbhəsinin iştirakı olmadan istənilən görüş və razılaşmanın etibarsız olduğunu açıqlayıb.

Həmçinin İraq türkmənləri dünən Kərkük əyalətinə Kürdüstan Vətənpərvərlər İttifaqından kürd başçı təyin edilməsinə qarşı etiraz aksiyası keçiriblər.

Etirazçı türkmənlər “Kərkük kürd ola bilməz” şüarı səsləndirərək “Bozqurd” işarəsini nümayiş etdiriblər. Yerli təhlükəsizlik qüvvələri etirazçıları dağıdıblar.