İranın Ermənistandakı səfiri Mehdi Sübhani Ermənistanın hərbi tədris mərkəzlərindən birinə baş çəkib

Mərkəzdə tədris prosesi ilə tanış olan İran səfiri bildirib ki, Ermənistan və İran sülh üçün çalışırlar və öz gücləri və dostluq dəstəyi ilə bu sülhü qoruya bilərlər.

Mehdi Sübhani İranın indiyə qədər Ermənistana göndərdiyi ən ermənipərəst və anti-Azərbaycan səfirdir və demək olar ki, hər gün onun İran və Ermənistanı yaxınlaşdırmaq səyləri barədə xəbərlər dərc olunur.

Hətta ABŞ-ın Ermənistanda olması və iki ölkə arasındakı strateji pakt İranın Ermənistandakı səfirinin fəaliyyətinə heç bir təsir göstərməyib. Çünki əsas etibarilə İran rejiminin ölkənin özündən çox Ermənistana bu qədər yaxın olmasının səbəbi İran rejiminin Azərbaycan-Türkiyə oxu ilə bağlı problemidir.

Amma səfirin hərbi hazırlıq dərsində iştirak etməsi qeyri-adi və qəribədir və bu, rəqib ölkələrə mesaj hesab olunur.