GADTB Güney Azərbaycan Demokratik Türk Birliyi
GADTB: SEPAH Quru Qoşunlarının Həmzə qərargahı Urmiyənin Tərgur sərhəd bölgəsində böyük həcmdə silah, sursat və partlayıcı maddələr ələ keçirdiyini iddia edib. Məlumat yalnız İran rejiminin təhlükəsizlik qurumlarının açıqlamasına əsaslanır və müstəqil şəkildə təsdiqlənməyib.
Rejimin mediasının yaydığı məlumata görə, SEPAH-ın bəyanatında müsadirə olunan yükün 198 ədəd partlayıcı qurğu və çoxlu sayda hərbi təchizatdan ibarət olduğu bildirilir. Paylaşılan görüntülərdə isə yalnız terror təşkilatı PKK-nın adı görünür. İddiaya əsasən, bu sursatlar ölkə daxilinə keçirilmək məqsədi daşıyıb.
Qeyd edək ki, son illərdə Qərbi Azərbaycan bölgəsində silahlı qrupların terror hərəkətləri yerli əhalinin narazılığı ilə müşayiət olunub. Bu cür fəaliyyətlər bölgə sakinlərinin təhlükəsizliyini təhdid etməklə yanaşı, etnik nifrət yaratmaq, Azerbaycan əhalisi arasında parçalanma törətmək və nəticə etibarilə İran rejiminin kolonial hakimiyyət strukturunu gücləndirmək üçün zəmin yaradır.
