GADTB Güney Azərbaycan Demokratik Türk Birliyi
GADTB: Təbriz Universitetinin fizika ixtisası üzrə tələbəsi, fəaliyyəti dayandırılmış “Yol” tələbə jurnalının redaksiya heyətinin üzvü Süməyyə Heydəri bazar günü, 12 bəhmən tarixində şəxsi evində molla rejimin qüvvələri tərəfindən saxlanılıb. Saxlanma zamanı onun mobil telefonu və noutbuku da müsadirə edilib. Ailəsinə indiyədək ona qarşı irəli sürülən ittihamlar və saxlanıldığı yer barədə heç bir məlumat verilməyib.
eyni tarixdə, Təbriz Universitetinin fizika ixtisası üzrə tələbəsi və fəaliyyəti dayandırılmış “Yol” tələbə jurnalının baş redaktoru Pedram Ələmdari də şəxsi evində molla rejimin qüvvələri tərəfindən saxlanılıb. Onun da mobil telefonu və noutbuku götürülüb. Ailələr saxlanılanların ittihamları və saxlanma yerləri barədə məlumat ala bilmədiklərini bildiriblər.
Bu saxlanmalar tələbə fəalları və müstəqil media qurumlarına qarşı artan təhlükəsizlik təzyiqlərinin davamı kimi qiymətləndirilir və tələbələrin təhlükəsizliyi ilə azadlıqları barədə narahatlıqları artırır.
