Çərşənbə axşamı , Noyabr 17 2026
azfa

Urmiyada Sara Hüseynzadə barəsində cinayət işi açılıb

GADTB: Sara Hüseynzadənin yaxınlarının bildirdiyinə görə, Urmiya sakini olan bu vətəndaş bir neçə həftə ailəsinin xəbərsiz qalması və narahatlığından sonra Urmiya Kəşfiyyat İdarəsində saxlandığı, daha sonra isə Urmiya Mərkəzi Həbsxanasına köçürüldüyü məlum olub. Onların sözlərinə görə, ailə bu müddət ərzində onun vəziyyəti barədə dəqiq məlumat ala bilməyib və müraciətlərinə aydın cavab verilməyib.

Yaxınları həmçinin bildirir ki, işin rəsmi açıqlanmasından əvvəl hökumətə yaxın sosial media səhifələri onun əleyhinə materiallar yayımlayaraq bu vətəndaşı müxtəlif ittihamlarla hədəfə alıblar. Məlumata görə, iş hazırda Urmiya Ümumi və İnqilab Prokurorluğunun 6-cı istintaq şöbəsində araşdırılır.

Xəbərin hazırlandığı vaxta qədər rəsmi qurumlar ittihamların detalları, məhkəmə prosesi və onun vəkilə çıxış imkanları barədə məlumat yayımlamayıb. Saxlanmanın davam etməsi və şəffaf məlumatın olmaması vəkilə çıxış hüququnun təmin edilməsi, günahsızlıq prezumpsiyası və ədalətli məhkəmə təminatlarının qorunması ilə bağlı suallar doğurur. Bu prinsiplər daxili qanunvericilik və insan hüquqları standartlarına əsasən nəzərə alınmalıdır.

Həmçinin yoxlayın

Bu gün Azərbaycanda Milli Dirçəliş Günüdür

GADTB: Bu gün – noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda …

Güney Azərbaycan şəhərlərində benzin qıtlığı və böhranı

GADTB: Yerli sakinlərin məlumatlarına görə, hazırda Güney Azərbaycan üçün aylıq üç benzin limiti müəyyən edilib: …