İraqda terrorçuları tərksilah planı SEPAH-ı hərəkətə keçirib

GADTB: İranın terrorçu İslam İnqilabının Keşikçiləri Korpusunun (SEPAH) Qüds qanadının komandanı İsmayıl Qaani Bağdada səfər edib.

General Qaani Həşd-Şəbi qruplaşmasının, silahlı qrupların liderləri və İraq Koordinasiya Qərargahının rəhbərliyi ilə bir neçə görüş keçirib. Görüşlərdə əsas müzakirə mövzusunun silahlara nəzarət olduğu bildirilib.

Qaani səfərini İraqda silahlı qruplardan silahların dövlətə təhvil verilməsi prosesinin başladığı bir vaxtda həyata keçirib. İraqın baş naziri Əli əl-Zeydi daha əvvəl prosesin başa çatdırılması üçün sentyabrın 30-dək vaxt müəyyən edib.

İraq dövlət qurumları ölkədə dövlət strukturlarından kənar hər hansı silahlı fəaliyyətin Terrorla Mübarizə Qanununa uyğun olaraq dayandırılacağını vurğulayıblar.