GADTB Güney Azərbaycan Demokratik Türk Birliyi
GADTB: Molla rejimi ABŞ-nin neft sanksiyalarından yayınaraq ixracı davam etdirmək məqsədilə Çində gizli neft infrastrukturu yaradıb. Tehran Çində üç liman terminalına nəzarəti ələ keçirib və yeddi neft saxlama obyektini icarəyə götürüb.
Araşdırmaya görə, İranın nəzarətində olan liman terminalları Ninbo-Çouşan, Çindao və Pancin şəhərlərində yerləşir. Neft saxlama obyektləri isə Dalyan, Huicou və digər sahil şəhərlərində fəaliyyət göstərir.
Bu infrastruktur İran neftini daşıyan və Ali Milli Təhlükəsizlik Şurasının keçmiş katibi Əli Şəmxaninin oğlu Hüseyn Şəmxani ilə əlaqələndirilən “kölgə donanması” tankerlərinin nefti birbaşa Çin alıcılarına çatdırmasına imkan verir.
İranın neft gəlirlərinə nəzarət uğrunda hakimiyyət daxilində yaşanan mübahisə də üzə çıxarılıb. Belə ki, Əli Şəmxaninin mərhum ali rəhbər Əli Xameneiyə ünvanladığı məktubda hökumətin neft ixracı siyasəti tənqid edilib.
