GADTB Güney Azərbaycan Demokratik Türk Birliyi
GADTB: İsrail Xarici İşlər Nazirliyi noyabrın 10-da, çərşənbə axşamı günü sosial şəbəkə “X”-də yaydığı bəyanatda İran İslam Respublikası rejiminin hələ də təhlükə olaraq qaldığını və bu təhlükənin əhatə dairəsinin Yaxın Şərqdən xeyli kənara çıxdığını bildirib.
İsrail Xarici İşlər Nazirliyi bəyanatında yazıb ki, İran İslam Respublikası rejiminin artıq təhlükə olmadığını düşünən hər kəs reallıqla bağlı təsəvvürlərini ciddi şəkildə yenidən nəzərdən keçirməlidir.
Nazirlik həmçinin qeyd edib: “Fransa SEPAH-ı ölkənin infrastrukturuna qarşı genişmiqyaslı kiberhücumlar həyata keçirməkdə ittiham edib. ABŞ hərbi təyyarələri isə İranın təhdidləri səbəbindən Böyük Britaniyadakı bazalardan təxliyə olunur”.
Bəyanatda vurğulanıb ki, bu təhlükəyə məhəl qoymamaq onun aradan qalxmasına səbəb olmayacaq, əksinə, onu daha da təhlükəli edəcək.
