İslam Respublikasının aylarla davam edən bombardmanlara baxmayaraq, ayda hələ də 50 raket istehsal etdiyi bildirilir

GADTB: “Blumberq”in məlumatına görə, Qərbin kəşfiyyat qiymətləndirməsi göstərir ki, İslam Respublikası hələ də ayda təxminən 50 ballistik raket istehsal edir. Bu rəqəm müharibədən əvvəlki istehsal həcminin təxminən yarısına bərabərdir. Həmin qiymətləndirməyə əsasən, hökumətin anbarlarında ən azı 1700 ballistik raket də qalıb.

ABŞ-ın müharibə naziri Pit Heqset çərşənbə axşamı İranın sənaye potensialının 80 faizinin məhv edildiyini bildirib. Bununla belə, Mərkəzi Kəşfiyyat İdarəsinin (CIA) keçmiş analitiki Cim Lemson ehtiyat hissələrinin Tehrana raketlərin yığılmasını davam etdirmək imkanı verdiyini deyir.

İslam Respublikası müharibə başlayandan bəri 4900-dən çox “Şahid” pilotsuz uçuş aparatı və ən azı 2200 ballistik raket atıb. Qərb rəsmiləri Rusiyanın Tehrana hücum silahları göndərdiyini də bildiriblər.

SEPAH çərşənbə axşamı bir neçə video yayımlayaraq yeni yeraltı “raket şəhəri”ni nümayiş etdirib. Silahlı Qüvvələrin Baş Qərargah rəisi Əli Abdullahı da təhdid edərək bildirib ki, növbəti müharibədə “sürprizlər” “bir-birinin ardınca” üzə çıxacaq.