GADTB-nin Mətbuat Mərkəzinə daxil olan məlumata görə, Rusiya bütün regionun təhlükə mənbəyi hesab edilən işğalçı Ermənistanda yerləşən “Metsamor”un ömrünü uzadır. Bu barədə “Rosatom”un baş direktoru Yevgeni Salkov jurnalistlərə açıqlamasında məlumat verib.
O bildirib ki, Rusiyanın “Rosatom” şirkəti Ermənistandakı “Metsamor” atom elektrik stansiyasının yeniləşdirmək variantını müzakirə edir. Mühəndislərimiz bunun üçün stansiyanın korpusunun möhkəmləndirilməsini və onun istifadə müddətinin uzadılmasını təklif ediblər.
O, AES-in korpusunu dəyişməyin çətin olduğunu buna görə də onun yüksək temperaturla möhkəmləndirilməsi məsələsinin nəzərdən keçirildiyini bildirib. Salkov bu texnologiyanın Rusiyanın bir neçə atom stansiyasında sınaqdan çıxarıldığını iddia edib.