Güney Azərbaycanın futbol komandası rəsmi şəkildə Traxtur oldu

GADTB-nin Mətbuat Mərkəzinə daxil olan məlumata görə, Güney Azərbaycanın futbol komandası, rəsmi sənədlərdə “Traktorsazi” adlanırdı.  Artıq “sazi” şəkilçisi komandanın adından rəsmi şəkildə ləğv olunacaq. Bu barədə “Traxtur” klubunun sahibi Zenuzi açıqlama verib.

Qeyd edək ki, Təbriz “Traktorqayırma” zavodunun adı ilə bağlı olan və farsca “Traktorsazi” adlandırın klub artıq farsca “Traktor” kimi, azərbaycanlılar arasında isə “Traxtur” şəklində tələffüz edilir.

Bundan öncə isə “Traxtur” klubunun sahibi Zenuzi “Səhənd” telekanalına müsahibədə ““Traktorsazi”nin adı dəyişdiriləcəkmi?” sualının cavabında demişdi ki, bu komanda onun tərəfdarlarına aiddir. Onlar istəsələr komandanın adını da dəyişmək mümkündür. Biz klubun kimlik və keçmişinə ziyan vurmadan bunu edə bilərik.