GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin məmurları azərbaycanlı milli-mədəni fəal Səccad Şəhirini yanvarın 16-da yaxaladı.
Azərbaycanlı fəal Sulduz şəhərində yaşadığı evin yaxınlığında rejimin mülki geyimli məmurları tərəfindən yaxalanıb.
İrqçi fars rejimin təhlükəsizlik qüvvələri fəalın şəxsi avtomobilini saxlayıb, maşındakı sərnişini endirdikdən sonra fəalı yaxalayaraq naməlum istiqamətə aparıblar.
Hələlik azərbaycanlı fəalın nə səbəbə görə yaxalandığı və harada saxlandığı məlum deyil. Fəalın şəxsi avtomobilinin təhlükəsizlik orqanına aparıldığı bildirilir.
Səccad Şəhiri əvvəllər də milli-mədəni fəaliyyətləri ilə əlaqədar təzyiqlərə məruz qalıb.
