Blinken: “İranın nüvə silahı əldə etməsinə mane olmaq üçün bütün variantlar, o cümlədən hərbi variant masa üzərindədir”

GADTB: ABŞ dövlət katibi Entoni Blinken “Əl-Ərəbiyyə” telekanalına müsahibəsində deyib ki, Vaşinqton İranın nüvə silahına yiyələnməsini qarşısını almaq üçün hərbi əməliyyatları istisna etmir.

Dövlət katibi bazar günü Yaxın Şərqə səfəri zamanı bildirib ki, İranla bağlı bütün variantlar nəzərdən keçirilir.

Hərb variantının olub-olmadığına dair suala cavabında, Blinken bunu istisna etməyib. “Bütün variantlar masanın üstündədir”, – o vurğulayıb.

Dövlət katibinin sözlərinə görə, İranın beynəlxalq nüvə sazişinə qayıtmaq şansı var idi, lakin bundan imtina etdi./ Azad İran