GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 2019-cu ilin noyabr etirazlarının qurbanlarından Əli Fütuhinin həyat yoldaşı Tahirə Becrəvani Şəhryarda rejimin İnqilab Məhkəməsinin birinci şöbəsi tərəfindən 18 ay həbs cəzasına məhkum edilib.
Tahirə Becrəvani molla rejimi tərəfindən “rəhbərliyi təhqir etmək”də ittiham edilərək, ona qarşı irəli sürülən ittihamı sübut etmək üçün məhkəməyə “heç bir sənəd və sübut” təqdim edilməyib.
Tahirə Becrəvanininj məhkəmə işində baxılacaq məsələ odur ki, minlərlə məhbusun azadlığa çıxmasına səbəb olan “Amnistiya və ictimai cəzanın azaldılması” direktivinin verilməsinə baxmayaraq, nəinki azadlığa çıxmaq imkanı olmadı, hətta girov və müvəqqəti azadlığa buraxılma imkanı da ona verilmədi.
Qeyd edək ki, Tahirə Becrəvani 2019-cu ilin noyabr etirazlarında hökumət qüvvələri tərəfindən öldürülən Əli Fətuhinin həyat yoldaşıdır.
Azərbaycanlı xanım dekabrın 21-də Tehranın Qala Həsənxan bölgəsində özünün iş yerində rejimin məmurları tərəfindən həbs edilmişdi.
Fəalın ailəsi aidiyyəti orqanlara müraciətlər etsələr də, onun harada saxlanıldığı və nədə ittiham olunduğu barədə məlumat ala bilməmişdilər.
