Azərbaycanlı milli fəal Davud Şiri müvəqqəti sərbəst buraxılıb

GADTB-nin Mətbuat Mərkəzinə daxil olan məlumata görə, iyunun 8-də Təbrizdə yaşayan azərbaycanlı milli-mədəni fəal Davud Şiri girov qarşılığında müvəqqəti olaraq məhkəməyə qədər sərbəst buraxılıb.

Həmin azərbaycanlı fəal bir neçə başqa milli fəalla birlikdə mayın 18-də təhlükəsizlik orqanları tərəfindən saxlanılmışdı.

Hələlik fəalın nədə ittiham olunduğu barədə açıqlama verilməyib.

Qeyd edək ki, Davud Şiri 19 may 2022-ci ildə qardaşı Əyyub Şiri ilə birgə həbs edilib və 2 iyul tarixində 400 milyon tümənlik girov qarşılığında müvəqqəti olaraq məhkəməyə qədər sərbəst buraxılıb.

Hər iki qardaş bundan öncə milli-mədəni fəaliyyətlərinə görə, habelə ictimai aksiyalara qatıldıqları üçün dəfələrlə saxlanılaraq dindiriliblər.