ABŞ-ın son iki gündəki hücumları nəticəsində 14 nəfər həlak olub

GADTB: İran Səhiyyə Nazirliyinin İctimaiyyətlə Əlaqələr Mərkəzinin rəhbəri bildirib ki, ABŞ-ın son iki gün ərzində İrana həyata keçirdiyi hücumlar nəticəsində 14 nəfər həyatını itirib.

Hüseyn Kermanpurun sözlərinə görə, ABŞ indiyədək İranın beş vilayətini hədəfə alıb. Nəticədə 14 nəfər həlak olub, 78 nəfər isə yaralanıb.

Səhiyyə Nazirliyinin rəsmisi yaralılardan 47 nəfərinin xəstəxanalarda müalicə aldığını, digər yaralıların isə tibbi yardım göstərildikdən sonra evə buraxıldığını bildirib.

Səhiyyə Nazirliyinin açıqladığı itkilər statistikasına hərbi qulluqçuların daxil olub-olmaması məlum deyil.

İran Ordusu çərşənbə günü ABŞ-ın ilk gecə hücumları zamanı səkkiz hərbçisinin həlak olduğunu açıqlamışdı. SEPAH isə həmin hücumlarda öz qüvvələrindən bir nəfərin öldüyünü bildirmişdi.