Cümə , Sentyabr 24 2021
azfa

ABŞ Yaxın Şərq ölkələrinə İranla bağlı kəşfiyyat informasiyası verəcək

GADTB-nin Mətbuat Mərkəzinə daxil olan məlumata görə, ABŞ-ın İran üzrə xüsusi nümayəndəsi Brayan Huk iyunun 19-da Yaxın Şərq turnesinə çıxır. O, İranı müzakirə edəcək və Tehran tərəfindən təhdidlərlə bağlı yeni kəşfiyyat informasiyasını region ölkələrinə verəcək.

Publika.az “RİA-Novosti” agentliyinə istinadən xəbər verir ki, bu haqda Dövlət Departamentinin çərşənbə günü yayılmış xəbərində deyilir.

“O, Səudiyyə Ərəbistanı, Birləşmiş Ərəb Əmirlikləri, Küveyt, Oman və Bəhreyndə ikitərəfli görüşlər keçirəcək. Xüsusi nümayəndə Oman körfəzində bu yaxınlarda iki neft tankerinə hücumlar da daxil olmaqla, regionda İranın təcavüzünü müzakirə edəcək”, – sənəddə deyilir.

Qeyd edilir ki, bundan sonra Huk Avropaya yollanacaq, Böyük Britaniya, Almaniya və Fransadan olan həmkarları ilə Parisdə görüş keçirəcək. Bu görüşün mövzusu da İran olacaq.

Qeyd edək ki, iyunun 13-də Oman körfəzində iki tankerə hücüm edilmişdi. ABŞ, Böyük Britaniya, Səudiyyə Ərəbistanı və İsrail hücumlara görə İranı ittiham edib. Tehran ittihamları rədd edib.

Həmçinin yoxlayın

Azərbaycanlı milli fəal Ruzbeh Pirinin ailəsi fəalı həbs edən məmurların fəalı döydüklərinə görə məhkəməyə müraciət ediblər

GADTB-nin Mətbuat Mərkəzinə daxil olan məlumata görə, Təbrizdə həbs olunan azərbaycanlı milli fəal Ruzbeh Pirinin …

Abbas Lisani Əlirza Fərşiyə və onun istəklərinə dəstək üçün aclıq aksiyasına başlayıb

GADTB-nin Mətbuat Mərkəzinə daxil olan məlumata görə, irqçi fars rejimin Ərdəbil zindanında həbsdə saxladığı azərbaycanlı …

Bir cavab yazın