Cümə , Fevral 3 2023
azfa

Avropa Birliyi İranla biznes forumdan imtina etdi

Tehranda keçirilməsi nəzərdə tutulan Avropa İttifaqı– İran onlayn biznes forumu Fransa, Almaniya, Avstriya, İtaliya səfirləri, habelə Aİ-nin ali nümayəndəsi Jozep Borrel tərəfindən boykot edilib.

Bu addımın səbəbi şənbə günü İranda müxalifətçi jurnalist Ruhullah Zamın asılaraq edam edilməsidir. Həmin hadisə İranla Avropa ölkələri arasında diplomatik qalmaqala səbəb olub.

Ev sahibi isə tədbirin təxirə salındığını açıqlayıb.

Bir milyondan çox izləyicisi olan “Amad News” əks-hökumət saytının rəhbəri olan 47 yaşlı R.Zam 2017-2018-ci illərin etiraz aksiyalarına dair xəbərləri dərc etdirərək materiallar topladıqdan sonra Fransada slığınacaq almış, sonradan İraqda həbs edilərək İrana təhvil verilmiş və telefon appları vasitəsilə iğtişaş yaratmaqda ittiham edilmişdi.

Fransa hökuməti bu edamı “barbarlıq və qəbuledilməz” dəyərləndirərək İranın beynəlxalq öhdəliklərinə zidd olduğunu bildirib. Avropa İttifaqı da bu hadisəni sərt şəkildə qınayan bəyanat verib.

Həmçinin yoxlayın

Molla rejimi Təbrizdəki Azərbaycan konsulluğunu da hədəf alıb

GADTB-nin Mətbuat Mərkəzinə daxil olan məlumata görə, İranda Azərbaycanın Təbrizdəki Baş Konsulluğunun bağlanması çağırışı edilib. …

İran Azərbaycana Xoyda zəlzələdən zərər çəkmiş soydaşlarımıza yardım edilməsinə imkan vermir

GADTB-nin Mətbuat Mərkəzinə daxil olan məlumata görə, Azərbaycan dövləti Xoyda zəlzələdən zərər çəkmiş soydaşlarımıza yardım …

Bir cavab yazın