GADTB Güney Azərbaycan Demokratik Türk Birliyi
GADTB: Güney azərbaycanlı tədqiqatçı və adı 21-ci əsrin seçilmiş alimləri siyahısına salınan Sudabə Davəran Avropa İxtiraçılar Akademiyasının qızıl medalını alıb.
O, beynəlxalq tədbirdən dünən Təbrizə qayıdıb və dünya şöhrətli alimi Təbriz hava limanında yalnız bir neçə nəfər yaxını qarşılayıb.
Onun işlədiyi Təbriz Tibb Elmləri Universitetinin rəhbərliyinin və əməkdaşlarının belə bir uğura imza atmış alimi qarşılamağa gəlməmələri narazılıq doğurub.
Sosial istifadəçilər təbrizli alimə qarşı belə laqeyd münasibəti bütün Azərbaycan elminə və alimlərinə, habelə azərbaycanlılara qarşı hörmətsizlik kimi dəyərləndiriblər.
Qeyd edək ki, Sudabə Davəranın “Antibiotiklərə davamlı yoluxucu yaraların müalicəsi üçün antibiotik preparatları və antimikrob bitki ekstraktları olan nanoliflər” adlı elmi layihəsi bu ilin may ayında İstanbulda keçirilən Teknofest 2023 festivalında birinci yeri tutub.
