GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, 2018-ci il oktyabrın 21-də rejimin Sepah qüvvələrinin məmurları tərəfindən yaxalanan azərbaycanlı fəal Nəsim Sadiqi oktyabrın 25-də rejimin Təbrizdə yerləşən Beheşti Məhkəməsinə aparılaraq, zaminə buraxılması üçün 100 milyon tümənlik vəsiqə qərarı çıxarılıb.
Azərbaycanlı fəal bundan sonra yenidən “Sepah”ın təcridxanasına qaytarılıb. Onun oktyabrın 27-də təkrar məhkəməyə aparılacağı bildirilir.
Azərbaycanlı fəala qarşı irəli sürülən ittihamlar haqda hələlik heç bir məlumat yoxdur.
Qeyd edək ki, azərbaycanlı fəal Nəsim Sadiqi Azərbaycan uğrunda mədəni fəaliyyətinə görə dəfələrlə təhlükəsizlik qüvvələri tərəfindən yaxalanaraq, həbs və təzyiqlərə məruz qalıb.
