GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan Milli Hərəkatının fəalları Murtuza Nurməhəmmədi Nadarlı, Mehrdad Qadiri və Həmid Yeganəpur dünən vəsiqə qarşılığında zaminə buraxılıblar.
Azərbaycanlı fəallar Murtuza Nurməhəmmədi Nadarlı və Mehrdad Qadiri hər biri 500 milyon tümən girov qarşılığında zaminə buraxılıblar.
Azərbaycanlı milli fəalı Həmid Yeganəpur noyabrın 28-i girov qarşılığında azadlığa buraxılıb. Təbriz Kəşfiyyat İdarəsi Yeganəpurun həyat yoldaşına zəng edərək səhhətinin pisləşməsi barədə məlumat verib.
Qeyd edək ki, Murtuza Nurməhəmmədinin 80 gün, Mehrdad Qaderinin isə 74 gündən sonra müvəqqəti azadlığa buraxılmalarına baxmayaraq, onlara qarşı hansı ittihamların irəli sürülməsi haqda dəqiq məlumat verilmir.
Azərbaycanlı milli fəallardan Yürüş Mehrəlibəyli, Davud Şiri, Əli Babayi, Nasir Rəzmcu, Araz İbrahimnejad, Cavad Sudbar, Hüseyn Azadi, Əmirhüseyn Ağayi, İbrahim Əvəzpur və Seyid Məhəmmədrza Müvəhhid hələ də Təbrizin ETTELAAT İdarəsində saxlanılırlar.
