GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycan fəalların etirazlarından sonra Rəşt Bələdiyyəsi və Şəhər Şurasının məsulları Şirinsu çeşməsinin tarixi adını geri qaytarmağa məcbur oldu.
Qeyd edək ki, Rəştin qeyd edilən qurumlarındakı irqçi rəsmilər yanvar ayında türk düşmənçiliyi və şəhərdən türk izlərini silmək məqsədilə Şəhər Şurasının “adlarda xarici mənşəli sözlərin istifadəsinin qadağan edilməsi” ilə bağlı qəbul etdiyi qərarı bəhanə edərək, bulağın adını “Ramazan əməliyyatının gilanlı şəhidlərinin xatirəsinə bulaq” şəklində dəyişmişdilər.
Onların belə irqçi və türklərə qarşı düşmənçiliyi isə Rəştin azərbaycanlı əhalisi və fəalların ciddi etirazına səbəb olmuşdur.
Etirazlardan sonra Bələdiyyə məsulları yenidən bulağın üzərində onun tarixi adını yazmağa məcbur olmuşlar
Rəştin azərbaycanlı əhalisinin tarixi məkanlarından olan Şirinsu çeşməsi Talibi küçəsinin qarşısında Atifi küçəsində yerləşir. Həmin bulaq vəqf şəklində illər öncə Rəştirin türk xeyriyyəçiləri tərəfindən tikilib.
