GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı kinorejissor Məhəmməd Əli Muradi Türkiyədə keçirilən Beynəlxalq “Qurqud Ata” Film Festivalında böyük uğur qazanıb.
Azərbaycanlı kinorejissorun çəkdiyi “Əkizlər” qısametrajlı sənədli filmi həmin festivalda ən yaxşı sənədli film mükafatına layiq görülüb.
Sənədli filmdə Urmiya gölü və Özbəkistan-Qazaxıstan sərhədində yerləşən Aral gölünün vəziyyətindən danışılır.
Qeyd edək ki, “Qurqud Ata” Festivalının məqsədi kino sənəti ilə türk ölkələri və topluluqlarında çəkilən filmlərin tamaşaçılara nümayişi, mədəni-bədii əməkdaşlıq imkanlarının artırılması, ortaq tarixi, mədəni və ictimai dəyərlərin möhkəmlənməsinə və zənginləşməsinə töhfə verməkdir.
