GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimin məmurları Güney Azərbaycanın Binab şəhərindən olan azərbaycanlı milli-mədəni fəal Babək Rəhmətini həbs ediblər.
Molla rejimin ETTELAAT məmurlarının onu iş yerində həbs edərək naməlum yerə apardıqları bildirilir.
Babək Rəhməti bundan əvvəl 2019-cu ilin dekabr ayında da, Cənubi Azərbaycanda Milli Hökumətinin qurulmasının ildönümü mərasimlərində iştirak etdiyinə görə həbs edilmişdi.
Qeyd edək ki, son bir ay ərzində Güney Azərbaycan şəhərlərində çox sayda milli fəal yaxalanıb.
