Azərbaycanlı müəllim Cavad Səfəri 5 il müddətinə həbs cəzasına məhkum edilib

GADTB: 59 yaşlı təqaüdçü azərbaycanlı müəllim və Dey ayı etirazları zamanı saxlanılanlardan biri olan Cavad Səfəri 5 il müddətinə həbs cəzasına məhkum edilib.

Yayılan məlumata görə, İran-İraq müharibəsinin veteranı kimi də təqdim olunan Cavad Səfəri 2 bəhmən tarixində saxlanılıb və Zəncanın Səfərabad həbsxanasında saxlanılıb.

Məlumata əsasən, onun məhkəməsi vəkilin iştirakı olmadan keçirilib. Ona qarşı “İran İslam Respublikasının rəhbərinə təhqir” və “gəncləri etirazlara təşviq etmək” kimi ittihamlar irəli sürülüb.

Həmçinin bildirilir ki, Cavad Səfəri həbsdə olduğu müddətdə döyülüb və ona əziyyət vermək məqsədilə bir müddət soyuq havada saxlanılıb.

Yayılan məlumatlara əsasən, Cavad Səfəriyə əlavə olaraq 32 milyon tümən məbləğində pul cəzası da verilib və bu məbləğ ondan tutulub.

Məlumatlarda onun ailə üzvləri ilə görüşlərinin də çətinlik və müxtəlif məhdudiyyətlərlə müşayiət olunduğu bildirilir.