GADTB-nin Mətbuat Mərkəzinə daxil olan məlumata görə, koronavirusdan vəfat edən Əməkdar artist Yaqub Zurufçu “Qurd qapısı” qəbiristanlığında dəfn edilib.
Mərhum Xalq artistləri Arif Quliyev və Rafiq Hüseynovun (Rəmiş) yanında torpağa tapşırılıb.
Əməkdar artist son mənzilə 1 saylı Kliniki Tibbi Mərkəzdən (Semaşko) yola salınır.
Vida mərasimində sənətçinin ailə üzvləri, sənət yoldaşları ilə yanaşı, Mədəniyyət Nazirliyinin nümayəndələri də iştirak edir.
Qeyd edək ki, bir neçə gün əvvəl koronavirusa yoluxan Əməkdar artist “Yeni Klinika”nın reanimasiya şöbəsinə yerləşdirilmiş və süni nəfəs aparatına qoşulmuşdu. O, dünən vəfat edib.