GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin həbs etdiyi tanınmış azərbaycanlı siyasi məhbus Abbas Lisani iyunun 23-də xəstəliyi ilə bağlı xəstəxanaya köçürülüb.
Abbas Lisani tibbi yoxlanış və ekokardiyografiya olunmaq üçün Ərdəbil şəhərinin İmam Əli xəstəxanasına köçürülüb.
Müayinə nəticəsində siyasi məhbusun qan təzyiqinin yüksək olduğu və ürəyinin qapağının da iki damarının genişləndiyi bəlli olub. Həkimlər siyasi məhbusun yenidən xəstəxanaya müraciət etməli olduğunu bildiriblər.
Qeyd edək ki, azərbaycanlı siyasi məhbus Abbas Lisani mayın 25-i səhər saatlarında kəskin bel və diz ağrıları üzündən 12 məmurun müşayiəti ilə Ərdəbil şəhərinin Fatimi xəstəxanasına köçürülmüşdü.
Abbas Lisani həmin xəstəxanada müayinə edilib, ona ağrı kəsici dərmanlar verilib, ağrıların dəqiq mənbəyini öyrənmək üçün MRT-ə ehtiyac olduğu bildirilib.
Abbas Lisani bir müddətdir bel və diz ağrılarından əziyyət çəkir. Həkimlərin dediyinə görə, onun dizinə su yığılır, belində də disk yırtığı var.
Azərbaycanlı siyasi məhbusun belə ciddi xəstəliklərdən zəiyyət çəkməsinə baxmayaraq təhlükəsizlik orqanlarının müdaxiləsi nəticəsində zindan məsulları onun duruma laqeyd yanaşır, müalicə olunmasına imkan vermirlər.
Bildirək ki, tanınmış azərbaycanlı fəal Abbas Lisani 2019-cu il yanvarın 15-də rejimin Təbrizdə yerləşən İnqilab Məhkəməsinin 2-ci şöbəsində oğurlanaraq həbs edilmişdir.
