GADTB Güney Azərbaycan Demokratik Türk Birliyi
GADTB-nin mətbuat mərkəzinin İran təhlükəsizlik orqanlarına bağlı “Azəriha” saytına istinadla yaydığı məlumata görə, Londonda yaşayan ərəb yazıçı, tərcüməçisi və fəalı Yusif Əzizi Bənitorofun öz şəxsi təşəbbüsü ilə Bakıya səfəri, eləcə də yazıçı və Ərəb ədəbiyyatının tərcüməəçisi kimi yazıçılar və ərəbşünaslarla görüşməsini, ədəbi və mədəni sahələrdə fikir mübadiləsi aparmasını Azərbaycan dövlətinin təxribatı kimi qələmə verib.
“Azəriha” saytı Azərbaycan dövlətini London vətəndaşı olan və rəsmi şəkildə heç bir cinayətdə günahlandırılmayan bir şəxsə viza verilməsini tənqid edərək, onun Azərbaycan Yazıçılar Birliyində bir sıra yazıçılarla görüş keçirməsi səbəbilə Azərbaycan dövlətini ciddi tənqid atəşinə tutub.
“Azəriha” həmçinin qərəzli şəkildə Azərbaycan Respublikasının prezidentinin İrana səfəri zamanı Mübariz Qurbanlının Riyaza səfəri və Bənitorofun Bakıya səfərini Azərbaycan Respublikasının anti-İran siyasətini kimi dəyərləndirib və hədələyib ki, Azərbaycan Respublikasının bu işləri cavabsız qalmayacaq.
Qeyd edək ki, İranın “Azəriha” kimi İran təhlükəsizlik orqanlarına bağlı olan sayt və digər mətbuat orqanları qərəzli şəkildə hətta şəxsi təşəbbüsü və siyasi hərəkət hesab edilməyən mədəni görüşləri də Azərbaycan dövlətinin İran dövlətinə qarşı hərəkəti kimi qələmə verərək, həqiqətən də dövlətlərarası münasibətləri hədəf aldığını sübut edir.
