GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Beynəlxalq Əfv Təşkilatı bu gün İranın Məhkəmə-Ədliyyə Sisteminin rəisi Qulamhüseyn Möhsüni Ejeiyə göndərdiyi məktubda Tehranın Evin zindanında həbsdə saxlanılan ikili vətəndaşlığı olan azərbaycanlı alim Əhmədrza Cəlalinin edam riski ilə bağlı xəbərdarlıq edib.
Təşkilat İran hökumətindən dərhal Əhmədrza Cəlalini edam etmək planlarını dayandırmağı, onun ölüm hökmünü ləğv etməyi və azərbaycanlı alimin səhhətinə görə azad edilməsini tələb edib.
Qeyd edək ki, Əhmədrza Cəlali 2016-cı ildə İranda keçirilən akademik konfransda iştirak etdikdən sonra “İsrailin xeyrinə casusluq” ittihamı ilə həbs edilib. O, 2017-ci ildə İran Ali Məhkəməsi tərəfindən edam cəzasına məhkum edilib.
