GADTB Güney Azərbaycan Demokratik Türk Birliyi
GADTB: Cənubi Azərbaycanda internetin və xariclə telefon əlaqəsinin tam kəsilməsi səbəbindən video və reportajların ötürülməsi demək olar ki, sıfıra enib. Bundan əlavə, ayrı-seçkilik və müstəmləkə siyasətinin yaratdığı imkan çatışmazlığı ucbatından Cənubi Azərbaycan əhalisinin Starlink internetindən istifadə imkanı da yoxdur. Lakin bölgənin müxtəlif şəhərlərindən yayımlanan azsaylı videolar etirazların daha da gücləndiyini göstərir.
Yayımlanan görüntülər və İrandan daxil olan məlumatlara görə, şənbə günü – 20 dey tarixində də etirazçılar ölkənin müxtəlif şəhərlərində yenidən küçələrə çıxıblar.
Tehranın Səadətabad, Həru, Şəriəti, Şəhərki-Rahahan, Firdovs bulvarı və Punək kimi bölgələrindən yayımlanan videolarda vətəndaşların son günlərdə olduğu kimi İran İslam Respublikasına qarşı şüarlar səsləndirdiyi görünür. Eyni zamanda Təbriz, Əhvaz, Kirman və Rəşt şəhərlərində də oxşar etiraz aksiyaları barədə məlumatlar yayılıb.
Bu arada, etirazların keçirildiyi ərazilərdə kəşfiyyat pilotsuz uçuş aparatlarının (PUA) uçuşu ilə bağlı çoxsaylı məlumatlar daxil olub. Tehranın Əşrəfi İsfahani bulvarında keçirilən etirazı əks etdirən videoda səmada uçan bir obyekt görünür; onun hökumət qüvvələrinə aid kəşfiyyat dronu olduğu bildirilir. Firdovs bulvarının qərb hissəsindən çəkilmiş başqa bir videoda da dronun səmada olduğu açıq şəkildə müşahidə olunur. Etirazçıların toplaşdığı ərazilərin müəyyənləşdirilməsi üçün dronlardan istifadə halları daha əvvəl də dəfələrlə qeydə alınıb.
Məşhəddən yayımlanan videolarda isə etirazçılarla hökumət qüvvələri arasında qarşıdurma əks olunub. Görüntülərdə hökumət qüvvələrinin etirazçıları hədəfə almaq üçün yaşıl lazer şüalarından istifadə etdiyi görünür.
Bəzi şəhərlərdə toqquşmalar və etirazçıların qətliamı davam edir. Məlumatlara görə, farsçı irqçi rejim qüvvələri tərəfindən çoxsaylı etirazçının öldürüldüyü bildirilir.
Linklər:
