Daha bir neçə azərbaycanlı şəhidin kimili məlum oldu

GADTB-nin Mətbuat Mərkəzinə daxil olan məlumata görə, irqçi fars rejimin terrorçu qüvvələrinin etirazlarda gülləboran edərək şəhid etdiyi daha bir neçə azərbaycanlının adları məlum olub.

Şəhid edilən azərbaycanlılardan biri əslən Kəleybərin Palıtlı kəndindən olan və Şəhriyar şəhərinin Nəsirabad məntəqəsində etirazlar zamanı rejimin qüvvələri tərəfindən güllələnən Mehran Zahididir.

Digər azərbaycanlı şəhid isə 24 yaşlı, müharibə əlili övladı olan Məhəmmədəmin Allahquludur. O da etirazlar zamanı Kərəcin Fərdis bölgəsində rejimin snayperləri tərəfindən güllələnmişdir.

Digər azərbaycanlı şəhid isə Germi şəhərinin Çüngünəş kəndiondən olan Behzad Səfərzadədir. O da Kərəc şəhərində rejimin terrorçu qüvvələrinin birbaşa atəşi nəticəsində qətlə yetirilmişdir. Məlumata görə Behzad yalnız kənardan durub etirazlara baxırnmış və heç bir günahı olmadan rejimin terrorçu qüvvələri tərəfindən güllələnib.