GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ermənistanın Azərbaycan şiələrinin ərazilərinə hərbi hücumunu pislədiyinə görə İranın yaxaladığı azərbaycanlı fəal Əkbər Mühaciri rejimin Təbrizdəki mərkəzi zindanına köçürülüb.
Təbriz sakini olan azərbaycanlı fəalın 5 gün əvvəl ETTELAAT-ın müvəqqəti saxlama təcridxanasından həmin zindana köçürüldüyü bildirilir.
Əkbər Mühaciri azərbaycanlı fəallar Rəsul Rəzəvi və Hüseyn Məhəmmədianla birlikdə qanunsuz həbs edilmələrinə etiraz əlaməti olaraq oktyabrın 21-dən həbsxanada aclıq aksiyası elan etmişdi.
Əkbər Mühaciri oktyabrın 17-də, Güney Azərbaycan şəhərlərində Azərbaycan Orudusuna dəstək və Nurduz gömrüyünün bağlanması tələbi ilə keçirilən aksiyalardan 1 gün qabaq Təbrizdə öz evində həbs edilib.
Fəallara qarşı hansı ittihamların irəli sürülməsi ilə bağlı məlumat yoxdur.
Qeyd edək ki, İranın molla rejimi əsil antiislam və Qriqoryan Respublikası olduğunu sübut etmək, eləcə də müsəlman azərbaycanlıların uşaqlarını qətliam etdirmək üçün işğalçı Ermənistanı silah-sursatla və onların tankları və təyyarələrini yanacaqla təmin edir. Bu isə haqq-ədalət tərəfdarı olan insanların narazılığına səbəb olur.
