GADTB-nin Türkiyənin Zəfər Bayramı münasibətilə bildirişi

GADTB: 1922-ci il avqustun 30-da düz 100 il öncə Türk Dünyasının ümid yeri Türkiyəmizdə Böyük Mustafa Kamal Atatürkün başkumandanlığında Dumlupınarda qazanılan böyük qələbə Zəfər Bayramı adlanmışdır. Bu bayram Türkiyə tarixinə Birinci Dünya müharibəsindən məğlub çıxan Osmanlı dövlətinin işğalçı ölkələr, türk düşmənləri arasında paylaşdırılması planlarının qarşısının alınmasında çox önəmli rol oynamışdır. Böyük Mustafa Kamal Atatürkün başçılıq etdiyi türk milləti bugünkü Türkiyə Cümhuriyyətini dirçəltmək üçün böyük mücadilə və qurbanlar vermişdir.

İşğalçı orduların Türkiyə sərhədlərindən çıxarılması bir qədər sonra baş versə də, 30 avqust simvolik olaraq Türkiyə torpaqlarının geri alındığı günü təmsil edir. Bu zəfər əslində təkcə Türkiyənin deyil, Güney Azərbaycanın, eləcə də bütün türk dünyasının zəfəridir.

Milyonlarla türkün qanı bahası ilə qazanılan qələbə bəşər tarixinin ən ağır sınaqlarından keçmiş bir milli zəfərdir. Bütün dünyanın düşmən çabalarına qarşı yeni Türkiyənin yaranması insan iradəsini ortaya qoymuş oldu. GADTB olaraq bu böyük bayram münasibətilə bütün Türk soydaşlarımızı və bütün Türk Dünyasını təbrik edirik.

Əjdər Tağızadə

Güney Azərbaycan Demokratik Türk Birliyi (GADTB) başqanı

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …