GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran saytları Azərbaycan və Zəngəzur dəhlizi barədə düşmən mövqeyi davam edir.
Rejimin “Rahbord-e Moaser” saytı iddia edib: “İran bölgədə yeganə ölkədir ki, ikinci Qarabağ müharibəsi başlayandan balanslı mövqe tutub və indi Bakı və İrəvanla bağlı balans yaratmağı planlaşdırır. Əhəmiyyətli olacaq və İran rəsmilərinin bunu dəfələrlə vurğuladığı məsələ regionun sərhədlərinin və geosiyasi mövqeyinin dəyişilməz olmasıdır”.
Zəngəzur dəhlizini İran üçün təhlükə adlandıran saytı yazır: “Lakin Azərbaycanı Naxçıvanla birləşdirəcək və Türkiyəyə uzanacaq bu müstəqil dəhliz Ermənistan ərazisindən keçən Şimal-Cənub tranzit marşrutlarına təhlükə yaradır.
Son aylar Qarabağ və Zəngəzur dəhlizi İran periferiyasında ən çətin məsələyə çevrilib və hətta ekspertlərin fikrincə, külün altındakı oda bənzəyir ki, bu da istənilən bəhanə ilə yenidən müharibənin başlanması ehtimalını mümkün edir”.
“Hazırda Azərbaycanı Naxçıvanla birləşdirən Zəngəzur dəhlizinin yaradılması məsələsi son dərəcə aktuallaşıb və Azərbaycan tərəfi bir növ Türkiyənin dəstəyi ilə onu işə salmağa çalışır. Bu layihə həssasdır, çünki regionda geosiyasi dəyişikliklərə səbəb ola bilər və İran sərhədlərdə istənilən dəyişikliyə qarşı dəfələrlə xəbərdarlıq edib”,-deyə qeyd edilib.
