GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən və gecə boyu bəzi Güney Azərbaycan və İran şəhərlərində etirazlar davam edib.
Güney Azərbaycanın Ərdəbil, Astara, Urmiya, Ərak, Tehran, Kərəc və s. şəhərlərində dünən və gecə boyu etirazlar davam edib.
Ərdəbildə məktəbli qızlar küçə yürüşü keçirərək rejimə qarşı şüarlar səsləndiriblər. Molla rejimi məktəbli qızlardan bir neçəsini yaxalayıb. Lakin hələlik onların kimliyi barədə məlumat yayılmayıb.
Urmiya, Astara, Ərak və s. Güney Azərbaycan şəhərlərində kütləvi etirazlar keçirilib. Tehranın əksər məhəllələri etirazçıların nəzarətində olub.
İranın bir çox şəhəri, o cümlədən İsfahan, Məşhəd, Şiraz, Saqqız, Sənəndəc, Gilan və bir çox digər şəhərlərdə kütləvi mitinqlər keçirilib.
