GADTB-nin Mətbuat Mərkəzinə daxil olan məlumata görə, Güney Azərbaycan və Güney Türkmənistanda fəallar türk dilində uşaq kitabları paylamaqla İran rejiminin türk dilini qadağan etməsinə etiraz ediblər.
Azərbaycanlı milli-mədəni fəallar bu məqsədlə Güney Azərbaycanın müxtəlif şəhərlərində türk dilində uşaq kitablarının paylanılmağa davam edirlər.
Yeni təhsil ilinin başlanması ilə əlaqədar bir neçə gün öncədən Urmiya, Təbriz, Xoy, Zəngan, Kərəc və başqa Azərbaycan şəhərlərində uşaqlar arasında türk dilində uşaq nağılları kitabları paylanılır.
Güney Türkmənistanda da belə aksiyalar həyata keçirilib.
Türkmənsəhranın Günbəd şəhərində türkmən fəallar uşaqlar arasında türkcə kitablar paylayıblar.
Bu il əsasən İran rejiminin həbs etdiyi azərbaycanlı ziyalı Əkbər Azadın kitabları paylanılıb.