GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycandan olan kolleksiyaçı 199 yaşlı Şuşa xalçasını Avropadan Şuşaya gətirdi.
Azərbaycanlı kolleksiyaç həmin xalçanı Azərbaycan Milli Xalça Muzeyinə təqdim edib.
Almaniyanın Berlin şəhərində yaşayan, “İşıq yol” Azərbaycan Ədəbiyyat və Mədəniyyət Cəmiyyətinin üzvü olan kolleksiyaçı Höccət Abbasi muzeyə 1825-ci ildə Şuşada toxunan Qarabağın “Açma-yumma” xalçasını hədiyyə edib.
O, vətənindən ayrı düşən bu nəfis əsərin yaxın zamanda öz doğma yurduna qayıdacağını, muzeyin Şuşa filialında sərgilənəcəyini düşündükcə böyük sevinc və xoşbəxtlik hissi yaşadığını bildirib.
Xalçanın ara sahəsi və haşiyələri həndəsi və nabati naxışlar, stilizə olunmuş insan və heyvan təsvirləri ilə bəzədilib. Muzey rəhbərliyi Azərbaycan Milli Xalça Muzeyinin kolleksiyasının nadir sənətkarlıq nümunəsi ilə muzeyin zənginləşməsinə töhvə verən Hocat Abasiyə nəcib təşəbbüsünə görə təşəkkürünü bildirib.
