GADTB Güney Azərbaycan Demokratik Türk Birliyi
GADTB: Güney Azərbaycanın Makı şəhərində Makı xanı Murtuzaqulu xan Bayatın (İqbalüs-Səltənə) heykəli ucaldılıb.
Makı Sərdarı kimi tanınan Murtuzaqulu xan Bayatın xatirəsinin əbədiləşdirilməsi yerli əhalinin müraciətləri əsasında baş tutub.
1863-cü ildə anadan olan və Makı xanlığını son nümayəndəsi kimi 1922-ci ilə qədər yerli hakimiyyətin başçısı olan Murtuzaqulu xan Bayat, Makı və ətraf bölgələrin abadlığı, təhsil, səhiyyə və ticarət sisteminin qurulmasında böyük rol oynayıb. Onun dövründə xanlığın ərazisində 300-dən çox kənd mövcud olub.
Qeyd edək ki, Nadir şahın ölümündən sonra (XVIII əsrin ortalarında) yaranmış yarımmüstəqil xanlıqlardan biri olan Makı xanlığını, Bayat tayfasından olan hakimlər idarə ediblər.
