Həbs edilən azərbaycanlı fəallar Ərdəbil zindanında döylüb

GADTB-nin Mətbuat Mərkəzinə daxil olan məlumata görə, irqçi fars rejimi tərəfindən iyul ayının 2-də Ərdəbildə yaxalanaraq, bu şəhərin zindanında həbs edilən 5 nəfər azərbaycanlı fəal rejimin təhlükəsizlik orqanlarının tərəfindən döydürülüb.

İrqçi fars rejimin təhlükəsizlik orqanlarının təhriki və göstərişi ilə bir neçə məhbus həbs edilən azərbaycanlı fəallar Rəhim Qulami, Əsgər Əkbərzadə, Əli Vasiqi, Mehdi Huşmənd və Səid Sadiqifərlə dava salıb, onları döyərək yaralayıblar.

Bu döyülmə nəticəsində Rəhim Qulaminin dişi sındırılıb, Əli Vasiqinin isə sağ gözündən xəsarət yetirilərək, gözünün altı göyərib.

Həbs edilən digər azərbaycanlı fəallar da kəskin bədən xəsarəti alıblar. Bundan məqsəd isə azərbaycanlı milli-mədəni fəalları öz müqəddəs yolundan döndərməkdir.