Həmədan və Soyuqbulaq zindanlarında üsyan və toqquşma baş verib

GADTB-nin Mətbuat Mərkəzinə daxil olan məlumata görə, Güney Azərbaycanın Həmədan və Soyuqbulaq (Mahabad) zindanlarında üsyan və toqquşma baş verib.

Məhbusların martın 29-da bazar günü səhər tezdən qaçmağa çalışdığı bildirilir. Zindanlardan bir neçə məhbusun qaçdığı bildirilir. Fars-molla rejiminin məmurlarının birbaşa atəş açması nəticəsində bir neçə məhbusun da qətlə yetirildiyi söylənilir.

Qeyd edək ki, dünən də Saqqız zindanında baş verən üsyanla 80 nəfər kürd məhbus qaçmışdır. Təbriz zindanında isə məhbusların üsyanı rejimin məmurlarının xüsusi qəddarlığı ilə yatırılmışdır.

Son dövrlərdə rejimin zindanlarda koronavirusu yayması üzündən çox sayda zindanda üsyan baş verib.