Çərşənbə , İyun 18 2025
azfa

İbrahim Kalın: “Qarabağ zəfərilə həm Türkiyə, həm Azərbaycan, həm də bölgə üçün böyük qələbə əldə edildi”

GADTB-nin Mətbuat Mərkəzinə daxil olan məlumata görə, Türkiyə Prezident Administrasiyasının sözcüsü İbrahim Kalın “Haber Global” televiziyasına müsahibəsində deyib: “Qarabağın azad edilməsi Azərbaycan torpaqlarının bütövlüyünün qorunması baxımından tam bir uğurdur. 44 günlük mübarizədən sonra qazanılan Qarabağ zəfəri mübarəkdir”.

İ.Kalın 30 illik dondurulmuş münaqişənin keçən il Ermənistanın təcavüzkarlığı ilə müharibəyə çevrildiyini vurğulayaraq, nəticədə həm Türkiyə, həm Azərbaycan, həm də bölgə üçün böyük qələbə əldə edildiyini deyib:

“Bu proses zamanı Azərbaycan həmişə məsuliyyətlə hərəkət etdi. Təcavüzkar mövqe tutmadı, beynəlxalq hüquqa uyğun hərəkət etdi”.

Türkiyənin dəstəyi, əməkdaşlığı ilə “İki dövlət, bir millət” deyimini bir daha təsdiqlədiyini deyən İ.Kalın bu məsələdə Azərbaycan və Türkiyə Ordusunun, hər iki ölkənin nazirlərinin, xarici işlər nazirlərinin, prezidentlərinin çox böyük vaxt sərf etdiyini bildirib:

“Bu qələbəyə qədər proseslər dəqiqə-dəqiqə izlənildi. Asanlıqla qazanılmadı, şəhidlər verildi. Nəticədə böyük mübarizə ilə böyük bir qələbə əldə edildi”.

Türkiyə Prezidentinin sözçüsü onu da deyib ki, qələbədən sonra da mövzu bitmiş hesab edilmir:

“Hazırda azad edilmiş Qarabağın yenidən qurulması prosesi davam edir. Bir il keçdi, bir ildə qət edilən məsafəni görsəniz qürur duyardınız. Cənab Əliyev və onun bütün komandası bu istiqamətdə var qüvvəsilə çalışır”.

Həmçinin yoxlayın

Ərdəbildə partlayışlar baş verib

GADTB: Bu gün Ərdəbil şəhərinin bəzi bölgələrində güclü partlayışların baş verdiyi bildirilib. Bəzi “Telegram” kanalları …

GADTB başqanı sayın Əjdər Tağızadənin “TV Musavat” kanalında “İranın nüvə obyektlərinə hücum: Tehran boşaldılır, Çin İrana təyyarələr göndərdi- İran ABŞ-ı vuracaq” mövzusunda çıxışı-Video

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın …