GADTB Güney Azərbaycan Demokratik Türk Birliyi
GADTB-nin Mətbuat Mərkəzinin “Azad İran”-a istinadən yaydığı məlumata görə, İnsan Haqlarının Monitorinq Təşkilatı tərəfindən hazırlanan hesabatda İranda etirazçılar, milli və dini azlıqlar, habelə rejim tərəfindən ən azı 254 nəfərin edam edilməsi ilə bağlı məlumatlar yer alıb.
Məlumatda habelə internetin məhdudlaşdırılması, yanacaq və yük daşıyanların öldürülməsi haqqında da bilgilərə yer verilib.
Sözügedən təşkilatın illik hesabatı yanvarın 13-də yayılıb.
Raporda deyilənə görə, ötən üç ildə İranın əmniyət qüvvələri geniş etiraz aksiyalarını xüsusi amansızlıqla yatırıblar.
Burada eyni zamanda qeyd olunub ki, etirazçılardan bir çoxu əmniyət qüvvələrinin zərbələri nəticəsində yaralanıb, öldürülüb və bir çoxu da polis tərəfindən tutularaq ağır işgəncələrə məruz qalıb.
İnsan Haqlarının Monitorinq Təşkilatının Yaxın Şərq üzrə müdir müavini Maykl Peyc bu barədə deyib: “İran hakimiyyəti millətin mədəni, siyasi, iqtisadi və sosial hüquqları ilə bağlı tələblərini boğaraq bütün xalqa sarsıdıcı zərbə vurur”.
