İran Azərbaycanın radio məkanına müdaxilə edir

GADTB-nin Mətbuat Mərkəzinə daxil olan məlumata görə, İran rejimi ifratçılığı və terrorizmi yaymaq məqsədilə Azərbaycanın radio məkanına müdaxilə edir.

“Qanun” Nəşrlər Evinin direktoru Şahbaz Xuduoğlu öz Feysbuk hesabında yazıb ki, “Masallıdan sonra Cəlilabad, Biləsuvar, Salyan və Qobustan rayonlarından keçib Bakıya çatırsan. Yeni çəkilən yol çox rahatdır. Adam ətrafa baxa bilir, üstəlik bəzən radiosunu da dinləmək istəyirsən. Amma bu ərazilərdə bizim FM dalğasında Azərbaycan radioları deyil, İran radioları yer alır”.

Naşir bunun məəttəl qalmalı iş olduğunu qeyd edib: “Necə ola bilər öz ərazində, öz yolunda öz radiolarını dinləyə bilməyəsən? Bu, nəylə bağlıdır? Niyə bizim dalğalar İran sərhəddinə yaxınlaşanda sıradan çıxır? Buna hansı qurumlar məsuliyyət daşıyır?!”

Mövzu barədə “Sherg.az”a danışan tanınmış media eksperti Zeynal Məmmədli bildirib ki, sualımız birbaşa Milli Tеlеviziyа və Rаdiо Şurаsına (MTRŞ) ünvanlanmalıdır:

“Bu qurum monitorinqlə də məşğuldur. MTRŞ texniki nüanslarla bağlı məsələni ən yüksək səviyyədə həll etməlidir. Məntiqə görə, belə məsələlər xüsusi xidmət qurumlarının, üstəlik parlamentin diqqət hədəfində olmalıdır. Çox ciddi məsələdir və dövlət güvənliyi kontekstində həllini tapmalıdır. Səhlənkarlığa yol verənlər, təbii ki, cəzalandırılmalıdır. Problem uzun müddətdir ki, var”.

Həmçinin yoxlayın

Təbrizin tarixi bazarında restoran və kafelər bağlandı

 GADTB-nin Mətbuat Mərkəzinə daxil lan məlumata görə, son bir neçə gündə Təbrizin tarixi bazarında fəaliyyət …

Qərbi Azərbaycan İcması İrəvanı Fransanın oyunlarına getməməyə səslədi

GADTB: Qərbi Azərbaycan İcması Ermənistan hökumətini və ictimaiyyətini tarixdən dərs çıxararaq, Fransanın oyunlarına getməməyə çağırıb. …