Bazar ertəsi , Noyabr 23 2026
azfa

İran edama məhkum etdiyi Əhmədrza Cəlalinin mübadilə edilməyəcəyini deyir

GADTB-nin Mətbuat Mərkəzinə daxil olan məlumata görə, İranın Məhkəmə Hakimiyyətinin sözçüsü Məsud Sitayişi İran hökuməti tərəfindən “casusluq”da ittiham olunan İran-İsveç vətəndaşı azərbaycanlı alim Əhmədrza Cəlalinin cinayət işi üzrə hökmün icra mərhələsində olduğunu və onun mübadilə edilməyəcəyini deyib.

Sitayişi İsveçdə ömürlük həbsə məhkum edilən iranın keçmiş prokuror köməkçisi Həmid Nuri ilə dəyişdirilməsi məsələsinin gündəmdə olmadığını bildirib.

Beynəlxalq Əfv Təşkilatı daha əvvəl yaydığı bəyanatda İran hakimiyyətini Cəlalini girov götürməkdə və qəddar siyasi oyunda ondan sui-istifadə etməkdə günahlandırıb.

Qeyd edək ki, Əhmədrza Cəlali əslən azərbaycanlıdır və 2016-cı ildə İsveçdən İrana elmi konfransa səfər etdiyi zaman həbs olunub.

O, daha sonra “İsrailə casusluq etmək” kimi saxta ittihamla edam cəzasına məhkum edilib və həmin dövrdən İran rejimi tərəfindən edama məhkum olunmuşdur.

Həmçinin yoxlayın

Zənganda mərhum ustad Müslüm Əsgərinin xatirəsinə “Aşıqlar axşamı” mərasimi keçirilib

GADTB: 30 aban 1405-ci il, şənbə günü Zəngan şəhərindəki Mədəniyyət Mərkəzinin Yadegar salonunda “Aşıqlar axşamı” …

Müharibədən sonra Urmiya gölünün suyunun həcmi artıb

GADTB: Qərbi Azərbaycan əyalətinin valisi Rza Rəhmani bildirib ki, Urmiya gölündəki suyun həcmi ötən illə …