İran generalından Azərbaycana qarşı hədə və böhtan: “Bakı İrana qarşı fitnənin mərkəzidir”

GADTB: Özünü beynəlxalq məsələlər üzrə “siyasi şərhçi” kimi qələmə verən İranın terrorçu Sepah-nın generalı və İran parlamentinin Milli Təhlükəsizlik Komissiyasının keçmiş üzvü Mənsur Həqiqətpur “Arman Daily” saytına müsahibəsində Azərbaycan əleyhinə kəskin fikirlər və təhdidlər səsləndirib.

O, hədələyici tonda cəfəng fikirlər bildirib: “Əgər Azərbaycan öz davranışına davam edərsə və regionda oyun qaydalarını pozmaq və İranın maraqlarına xələl gətirmək və ərazi bütövlüyünü təhdid etmək istəyərsə, İran da müvafiq addım atmalıdır.

Azərbaycan hakimiyyəti Ermənistan və İranın sərhəd xətləri ilə bağlı iddialar səsləndirdikdən sonra İran rəsmiləri də bu ölkənin addımlarına diplomatiya və təbii ki, hərbi təlimlər keçirməklə reaksiya vermək qərarına gəldi. İranla Azərbaycan arasındakı fikir ayrılıqları təkcə bu son həftələrə və Qarabağla bağlı münaqişəyə və s…. qayıtmır. Əslində isə, bu qarşıdurmaların və təhdidlərin tarixini Sovet İttifaqının dağıldığı və NATO-nun İsrail ilə birlikdə Cənubi Qafqaz regionuna soxulmağa qərar verdiyi gündən hesab etmək lazımdır.

Tədricən, iqtisadi və hərbi əlaqələrin genişlənməsi və israillilər, həm də amerikalılar tərəfindən konkret hərbi planların müəyyən edilməsi ilə, deməliyik ki, İranın bu şimal qonşusu hazırda adıçəkilən qüvvələrin tam nəzarətində olan ölkələrdən birinə çevrilib…”./ Azad İran

Həmçinin yoxlayın

Strateji yüksəklik Azərbaycan Ordusunun nəzarətinə keçdi – Video

GADTB-nin Mətbuat Mərkəzinə daxil olan məlumata görə, Qazax istiqamətində mühüm əhəmiyyət kəsb edən hakim yüksəklik …

GADTB başqanı sayın Əjdər bəy Tağızadənin keçirdiyi görüşlər

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB), Güney Azərbaycan …