Bazar , Yanvar 17 2021
azfa

İran rejimi azərbaycanlı alimi edam etmək üçün Rəcaişəhr zindanına köçürüb

GADTB-nin Mətbuat Mərkəzinə daxil olan məlumata görə, İran rejimi azərbaycanlı alim Əhmədrza Cəlalini edam etmək üçün Rəcaişəhr zindanına köçürüb. Cəlalinin ailəsi bu barədə məlumat yayıb.

Əhmədrza Cəlalinin anası, həyat yoldaşı və vəkili, çərşənbə axşamı dekabrın 1-də bildiriblər ki, alim ölüm hökmünün icrası üçün Kərəcdəkı Rəcaişahr zindanına aparılıb.

Qeyd edək ki, İsveç vətəndaşı olan azərbaycanlı alim Əhmədrza Cəlali Evin zindanında saxlanılırdı. O çərşənbə axşamı ailəsi ilə telefon əlaqəsində ölüm hökmünün icra olunması üçün hazırlaşıldığını demişdi.

Əhmədrza Cəlalinin həyat yoldaşı Vida Mehrannia telefon əlaqəsi barədə mətbuata danışarkən ərinin “bu zəng son söhbətimiz ola bilər” dediyini söyləmişdi.

Cəlalinin vəkili Hilalə Musavian müvəkkilinin edam olunma ehtimalından narahat olduğunu və insan haqları təşkilatları, eləcə də İsveç hökumətinin edamın qarşısını almağa çalışacaqlarına ümid etdiyini bildirmişdi.

2016-cı ilin may ayında Tehran Universitetinin dəvəti ilə İrana səfər edən Əhmədrza Cəlali təhlükəsizlik orqanları tərəfindən saxlanılaraq “İsrailin xeyrinə casusluq etmək” ittihamı ilə həbs olunub. O 2017-ci ilin sentyabr ayında “düşmən dövlətin xeyrinə casusluq etmək yolu ilə Yer üzündə fəsad törətmək” ittihamı ilə Tehran İnqilab Məhkəməsinin 15-ci şöbəsinin qərarı ilə edam cəzasına məhkum olunub və Ali Məhkəmə iki ay sonra haqqında çıxarılan qərarı qüvvədə saxlayıb.

Həmçinin yoxlayın

İran rejimi Qaradağda daha bir mədəni talamaqla Azərbaycanda ekoloji fəlaktə səbəb olur

GADTB-nin Mətbuat Mərkəzinin “aznews.tv”yə istinadən yaydığı məlumata görə, İran rejimi Qaradağda yerləşən Doştur Qızıl Mədəninitalamağa …

Türkiyə və Azərbaycan birgə hərbi təlimlərə başlayır – Video

GADTB-nin Mətbuat Mərkəzinə daxil olan məlumata görə, Türkiyə Respublikasının Qars şəhərində keçiriləcək “Qış təlimi-2021”də Azərbaycanın …

Bir cavab yazın